惡女遲到上唔到飛機爆粗鬧職員 網民:影衰香港人

Browse By

假期出遊人數眾多,需要預備充足的時間辦理登機手續。不過近日網上就流出一段短片,片中兩名女子錯過了登機時間,在閘口爆粗大鬧機場職員,引起不少網民留言鞭撻。

從網上流出的影片中可見,一名戴墨鏡的女子在登機口與地勤職員理論。從雙方言辭中推測事件發生於去年的聖誕假期,該名女子和其友人因為遲到而被職員拒絕登機,於是大鬧閘口。女子辯稱指由於當日是假期機場過於繁忙,故排隊過關的輪候時間過長,才導致一行人趕不及登機,「你知呢啲時間好X多人,喂我要迫㗎喎,跑過嚟㗎,仲要補錢?你冇嘢呀?」不過職員就解釋,乘客都有責任預早時間出發辦理手續,而航空公司出於「安全問題」考慮,並不可以讓遲到的乘客登機。雙方擾攘一輪,同行男子幫口希望職員可以酌情處理,而女子則不滿地以登機證拍打櫃檯,「而家拿拿臨安排下一班機俾我啦,快啦!唔通要我等呀?九唔X搭八。」

據出帖者指,當時女子要乘搭的航班開早上9時10分,然而一行人9時18分才到閘口,「仲要抵賴話排隊時間太耐,實情係去咗買咖啡排長龍搞到要送機尾」。不少網民都批評女子野蠻,「拎機票個時職員都會提你早20分鐘到閘口喇,第一次搭飛機咩」、「佢呢个咀臉真系(係)世界級,个咀(嘴)幾時都要keep住甘(咁)chock(chok)」、「影衰香港人」。

Leave a Reply

Your email address will not be published. Required fields are marked *

%d bloggers like this: