大專生𢱑錯狗曲奇店贊助 店主曲線回應:考慮狗餅太硬婉拒

Browse By

大專院校大大小小活動都需要學生組織找商舖贊助物資,然而過往卻鬧出過不少鬧劇,成為了網民討論的熱點。近日一間狗曲奇的專賣店在社交網絡上貼文分享一則「道歉聲明」,稱早前收到一間大專院校的贊助邀請,感到「超級震驚」。

狗曲奇店原文

學生組織的訊息截圖

該狗曲奇專賣店昨日(5日)在Facebook專頁發出帖文,刊登一則「道歉啟事」,並附上涉事學生組織的訊息截圖。學生來郵中表示,希望店方能為於4月底為一個就職典禮免費提供一盤30至50人份的食物,以供出席的來賓享用。店方於是發文「道歉」,「其實我哋嘅嘢食係天然材料, 風乾之後會好硬朗, 但人都應該食得嘅!但今次竟然有同學仔讚我哋嘅野食相好睇之餘,仲想搵我哋做佢哋嘅SPONSOR(贊助),為佢哋嘅就職典禮提供食品比來賓進食!我哋真係超級震驚,雖然都好想幫助大專生,等佢哋嘅來賓有多種唔同既天然風乾營養,但考慮過食品本身嘅硬度係啱狗狗食,我哋只好含!淚!婉!拒!」最後店方還承諾,若果以後學生開狗狗派對,會以「友情價」以補償遺憾。

店方的曲線回應獲得網民大讚,有網民笑言「不如就贊助佢哋啦。然後問佢拎當日嘅相post 晌fb,話某學院活動參與嘉賓都食過 ~ 證明寵物食品屬於人類食用級別!係對寵物好健康架!」、「當班嘉賓係狗,強烈建議公開身份等班嘉賓知道班學生點睇佢哋」、「移(而)家啲搞手真係社會棟樑,學哂商家啲縮骨賤格野並提早實踐成效!」

Leave a Reply

Your email address will not be published. Required fields are marked *

%d bloggers like this: