準新娘分享「韓式婚攝」中伏經驗 網民:以為擺錯「找錯處 」圖

Browse By

結婚是開心事,不少新人不吝在婚宴、婚照上一擲千金,以求將最幸福美好的面貌呈現於人前。不過近日就有準新娘在社交網絡上撰千字文訴苦,指光顧某間公司的「韓式婚紗攝影」服務,然而最後照片成品卻強差人意。準新娘還將部份照片公開,引來不少網民熱烈討論,笑指「伏味濃」。

事緣女事主花費了一萬五千元光顧一間公司的「韓式婚紗攝影」套餐,該公司承諾安排韓國攝影師來港為一對新人拍照,然而拍攝當日攝影師只會講一兩句韓文,「影之前公司同我地(哋)講攝影團隊係韓國請返黎(嚟) ,因為我地(哋)時間好趕所以只可以請到普通話翻譯,點知原來普通話翻譯就係化妝師同助手,攝影師都似係識講啲韓文扮係韓國人咁款。搭車期間聽到司機同化妝師講漏口,話南生圍好近深圳 ,你地(哋)返去好近」。一對新人在公司安排之下到了尖沙咀廣東道、南生圍等地方拍攝,女事主形容過程只有攝影師、化妝師和一個助手在場,沒有燈光師亦都沒有反光板。

結果全日2500張照片公司篩選剩500張照片供事主挑選,不過成品似乎質素參差,「尖沙咀廣東道影相,路人大合照 啲路人個個都對焦得好清楚但我地朦左(咗)1881獨特既構圖技巧 不予置評。日落個(嗰)時,街上啲路人一齊讓位比(俾)我地(哋)影相,但佢都要影到路人。」事主形容有部份照片「眨緊眼 ,講緊野(嘢) ,各種各樣既(嘅)未準備好就禁(撳)左(咗)快門」,因為冇反光板 ,各色各樣既光線 ,各種陰影」。

由事主分享出來的照片所見,一對新人在維港拍照時畫面盡是途人,而在尖沙咀1881拍照時更連扶手電梯都一同入鏡。另外一張名店前在人群中接吻的照片就更令人摸不著頭腦,網民稱「以為擺錯相」、「搵咗好耐先搵到對新人」。惟事主向該公司反映時,對方只謂這是「韓式拍攝方式 韓式拍攝方式 用連拍捕捉最自然既影像 ,再靠後期修圖」,更在提供韓籍攝影師資料一事上推卸。不少網民都為事主抱不平,「指「用手機影都會好過佢」。

Leave a Reply

Your email address will not be published. Required fields are marked *

%d bloggers like this: