最後召集 抵食平玩復活節假期

Browse By

下午茶自助餐買2送1

平時去酒店食Afternoon Tea,每位約三、四百元,又未必食得飽。位於觀塘嘅Angel & Devil,3月30日至4月2日下午二時半至五時半,推出抵食復活節下午茶自助餐,成人$188/位、3至11歲小童$98/位,就可以食盡多款美食!只要兩位成人惠顧,同行11歲以下小童仲可以免費,最適合一家三口去擦餐勁!冷盤推介田園沙律配特調醬汁、西式凍肉拼盤,熱葷就有德國香腸配薯蓉、日式鰻魚飛魚子炒飯,當然唔少得各款色彩繽紛甜點,推介熱情果紅桑子慕絲、果仁脆糖芝士蛋糕等,到時仲有朱古力噴泉、免費糖果吧讓小朋友帶糖果返屋企,安排夠細心!

熱情果紅桑子慕絲 ,色彩繽紛,極具節日氣氛。

香腸配薯蓉 ,啖啖肉夠惹味香濃。

炸芝士薯球,咬落卜卜脆,香脆「芝」味。

日式鰻魚飛魚子炒飯,鰻魚分量豐富,造型霸氣。

Angel & Devil

地址:觀塘駿業街58號4樓Club East洞天

查詢:3103 3808

自助晚餐多重優惠

想食得豐富啲,推介自助晚餐。城景國際City Cafe由即日至4月30日推出鮑魚花膠薈‧海鮮自助晚餐,有齊多款豐富海鮮美饌如花膠煙三文魚山葵紫菜卷、韓式鮮人參燉花膠雞湯、花膠鮑參燜飯釀魷魚筒及金箔法式鮑螺海皇燉蛋等,每位客人免費送法式鮑魚科米一客。只要出示酒店官網自助晚餐優惠,即可享用優惠價:成人$438起、長者$368起、4至11歲小童$288起,逢星期一至四幫襯,仲有四人同行一人免費優惠,係復活節期間(3月30日至4月2日),提供免費潮影即影即有相片,兼送造型氣球,真係抵上加抵!

惠顧自助晚餐的客人均免費獲贈法式鮑魚科米多一客。

花膠煙三文魚山葵紫菜卷,配搭新鮮。

花膠黃醬海膽烘扇貝, 以啖啖肉扇貝配矜貴花膠。

迷你鮑魚野菌撻,味道層次豐富。

City Café

地址:油麻地窩打老道23號城景國際1樓

查詢:2783 3287

住宿假期送嘉年華門票

復活節係外遊高峰期,不如留港過一個充實假期。數碼港艾美酒店嘅住宿假期係抵玩推介,只要$1,940就可以一家三口喺即日至4月2日期間入住智能客房一晚,可以延遲到下午兩點退房,另外喺Prompt享用自助早餐,有豐富美食之餘,仲有魔術表演、親子尋蛋遊戲。最着數係送數碼港商場復活節嘉年華門票三張(價值$240),小朋友可以大玩吹氣城堡、碰碰車、尋蛋等刺激遊戲。此外,酒店為住港島區客人,提供免費單程Tesla智能房車接送至酒店服務,非常周到!

尋蛋遊戲係復活節必玩指定節目。

酒店自助早餐備有各式復活節主題甜品。

數碼港商場復活節嘉年華,有刺激的碰碰車遊戲。

智能客房可供兩位成人及一位小童入住。

數碼港艾美酒店

地址:薄扶林數碼港道100號數碼港艾美酒店

查詢:2980 7788

Leave a Reply

Your email address will not be published. Required fields are marked *

%d bloggers like this: