大埔小巴「舞龍」引恐慌 嚇怕全車乘客深宵山路嗌有落

Browse By

月前一架九巴從馬場駛到乂埔公路翻側,結果造成多人死亡,司機的駕駛態度再次成為公眾焦點。不過近日社交網絡上有網民爆料,指深宵坐小巴回大埔時懷疑遇到「舞龍」般駕駛,令到車上乘客都心驚膽顫,全體提早下車,令到不少網民熱議。

事緣有網民在Facebook群組「Tai Po 大埔」分享,指昨日(22日)凌晨約12時乘搭由旺角駛向大埔的小巴,結果小巴司機駕駛時左搖右擺,「 條友揸唔到正線,不斷行入雙白線,入獅隧亦是,之後全車都嗌有落,然後係(喺)大埔舊路上山起點落車。」 發帖者表示,當時有人報警求助 。而另一名乘客亦都上傳一段疑似是小巴內的片段,由片段中所見當時車速每小時逾60公里,司機背影搖搖晃晃。有乘客開口勸說司機將車停泊到路肩,又有人言道「冇人會怪你」、「16條人命呀大佬,慢慢泊埋打死火燈啦」。惟小巴司機似聽不到乘客的話,未有將車泊停路邊。最後全車人無奈於凌晨山路下車,發帖網民更質疑司機「take咗野」。

不少網民都指曾經有類似經驗,更有人懷疑遇到過同一個司機,「呢條老童司機我都撞過一次,起山路騎雙白線,去到廣福紅燈衝燈!去到投注站冇人叫落車就無啦啦開車門停車,到左(咗)寶鄉橋燈位就綠燈停左(咗)車⋯⋯忍唔住開口鬧佢『捨得開車未呀,綠燈呀!你訓(瞓)醒未呀』先肯開車」、「搭過佢幾次出旺角,佢上個月先開始渣(揸)呢條線,點解咁肯定?佢第一次連點入馬場都未識,要客教佢入馬場,初頭兩三次坐都好精神,近呢兩次搭佢車,真係嚇都嚇死人」,又有人笑言「全車嗌有落好壯觀」。

Leave a Reply

Your email address will not be published. Required fields are marked *

%d bloggers like this: