《預算案》免考試費掀全民DSE熱 考生:別為一己私慾而毀我們未來

Browse By

資料圖片

新一份《財政預算案》建議為參加2019年香港中學文憑考試(DSE)的考生代繳考試費,惹來「全民DSE」熱潮。雖然財政司長陳茂波今早指,不排除有人「玩玩吓」去報考,但相信屬少數,問題不大。不過,不少下屆DSE考生在網上發帖,指考生獲免考試費看食着數,「其實害死無數考生」,希望大家高抬貴手,「唔好為咗你嘅一己私慾而毀咗我地嘅未來」。

預算案出爐後,不少「過氣考生」都表示想報考,試下自己實力,更有人表示組「讀書會」,一同溫習再報考;另有網民則明言入場「搞事」:「考Oral(口試)全部壟斷發言,由頭帶到尾」,惹來下屆DSE考生恐慌。

多名自稱是下屆DSE考生的網民在「名校Secrets」fb專頁發帖,有人表示,指看到有許多人留言表示「約埋朋友一齊去考」,就「睇到好想喊」,原以為只要努力讀書,最後一定獲取滿意成績,但若下屆免考試費,相信肯定有很多非應屆考生報名,「補習老師、學校老師、已畢業的大學生,甚至係純粹好奇心重想去試考嘅人都會有」,擔心競爭增加,難考取高分。

貼文者又說,如果考語文口試,「成組都係勁人咁我唔洗考都知炒硬啦,咁啱撞正個專係搞事嘅又會死得更慘」,擔心多年來付出的時間和心機白白浪費,令家人失望,懇求大家不要為一己私慾毀掉他們的未來,「唔好咁黑心啦」。另有考生發帖稱,雖然「過氣」考生應考沒有代價,「但係又有冇考慮過我哋今年班中五嘅感受」,問道「我哋都冇得罪你哋,點解要做到咁盡呢?」

不過,不少網民回應帖文指,發帖者杞人憂天,並稱自修生跟應屆考生是分開「拉curve」(即調整評分),認為「有料嘅你唔洗驚人伏你啦」、「你有實力就實力,沒人會影響到你入大學」,「最終同你競爭嘅都係同屆嘅同學仔」;有網民則留言稱,即使自修生報考,亦難以抽空溫習操卷,「你覺得班純粹去玩吓嘅自修生可以考得好過備戰咗兩年嘅學校考生咩」,勸勉下屆考生們「得閒打文又驚呢樣個樣不如去溫多啲書啦!」

Leave a Reply

Your email address will not be published. Required fields are marked *

%d bloggers like this: