【旺角夜市】熱鬧過後垃圾遍地 網民怒轟:難為班清潔工

Browse By

網民‎Kawan Leung‎ 攝。

旺角砵蘭街由大年初一起化身為夜市,有數十攤熟食小販擺賣,吸引大批市民光顧。惟熱鬧過後街道上佈滿垃圾,路面「油淋淋」,垃圾桶亦滿瀉至一地垃圾。不少網民發帖投訴,怒轟亂拋垃圾者自私,直指「難為班清潔工,你放假,佢哋做多幾多嘢?」。

有網民發帖指,看到有人於夜市邊食邊亂拋垃圾,雞骨、湯汁隨處可見,「呢啲日子,附近嘅垃圾桶一定唔會夠應付咁大量嘅垃圾,你要有夜市,你都盡返啲責任」。垃圾桶不夠亦不代表可以亂拋垃圾,「見到個垃圾桶滿左,宜家玩遊戲啊?圍住佢嚟放垃圾再向上堆,你大可以搵另一個垃圾桶再丟,揸住一陣唔使死」。

該網民又怒斥,部分人將垃圾亂拋地上,等清潔工人收拾,行為極度自私,「嚟打個卡,影幾張相放上fb同ig,拍拍籮柚就返屋企,開心完、過癮完,執手尾又唔係你,難為班清潔工,你放假,佢哋做多幾嘢?」她又直言,「成日話人點點點,覺得人哋無文化,呢樣嗰樣,其實講到底咪一樣,都係自X私,阻到你,你咪出聲,影響到你咪指住人嚟鬧,到係你自己嗰陣,咪講返句:下,唔關我事,其他人都係咁啦。」

帖文吸引大批網民討論,有人認同指「真係難為班清潔工人」、「真係影衰香港呢個名」、「唔係缺乏管理,係冇自律」、「若要鬧大陸人冇公德,唔該自己檢點啲」,不過亦有人怪責政府配套不足,指「呢啲情況,政府明知新年有夜市,應該擺放多啲大型垃圾桶,唔駛市民食完冇得掉」。

Leave a Reply

Your email address will not be published. Required fields are marked *

%d bloggers like this: