情人節餐抵食攻略

Browse By

選擇一:人均$300以下 Love Café

情人節晚餐有佳餚,又點可以無美酒!Love Café喺2月10日至14日期間推出「酒」意情濃情人節晚餐最適合不過!因為全部菜式都用上唔同美酒煮成,仲會每位包一杯Prosecco氣泡酒,酒香醉人夠浪漫啦!晚餐有五道菜,包括法國鵝肝慕絲伴白酒蜜糖啫喱、美國波士頓龍蝦湯、比利時生菜煙三文魚沙律配熱情果汁、意大利傳統咖啡芝士餅,至於主菜仲可以三揀一,有香草白酒慢煮星斑柳扒配芥末籽汁、燒美國安格斯牛柳配意大利牛肝菌汁或西班牙黑毛豬配櫻桃紅酒汁,照顧不同客人口味!只要喺2月4日之前預訂,就可以用優惠價$288/位(免加一)享用到呢個晚餐啦!

「酒」意情濃情人節晚餐包羅四道菜式,只是$288位。

西班牙黑毛豬配櫻桃紅酒汁,分量豐富。

意大利傳統咖啡芝士餅,可在碟上寫上字句傳情達意。

Love Café

地址:油麻地窩打老道40號拉斐特2樓

查詢:3899 0062

選擇二:人均$400以下  Angel & Devil

觀塘新開西餐廳Angel & Devil推出五道菜歐陸情人節二人晚餐,2月10日至14日供應。將傳統意大利、英國、法國菜重新演繹,極具創意!例如有水菜沙律及63度溫泉蛋、咖喱青口薯仔湯、意式紙包魚、法式燴牛仔、意大利芝士餅,當中咖喱青口薯仔湯概念來自英國Lady Curzon Soup,用青口清湯、咖喱、奶油、些利酒煮成,睇落簡單但其實煮法複雜,係香港絕對少見,值得一試!場內仲有投杯球、飛鏢機、足球機玩!依家只要係2月4日之前預訂,就可以用優惠價$788(免加一)享用呢個二人晚餐啦,即係$394位,真係抵食!

歐陸情人節二人晚餐設有五道菜式,各具特色。

Angel & Devil備有精緻派對美食及精心調製的特色雞尾酒。

咖喱青口薯仔湯,用青口清湯、咖喱、奶油、些利酒煮成。

Angel & Devil

地址:觀塘駿業街58號4樓Club East洞天

查詢:3103 3808

選擇三:人均$500以下 8度海逸酒店

想情人節食好啲,酒店係好選擇!8度海逸酒店2月9日至25日期間,喺池畔廊、花園茶座備有五道菜式情人節晚膳套餐,款式豐富又吸引,例如頭盤有鮮蝦帶子沙律配意大利黑醋汁,主菜有肉眼扒伴時令蔬菜配紅酒汁,或香煎三文魚伴時令蔬菜配香檳忌廉汁,甜品就有女仔最鍾意食嘅紅桑子朱古力慕絲蛋糕,份外香甜!

價錢方面,兩位用$828,每位只係$414,若想更加抵食,只要係2月9日之前致電或係酒店官網eShop預購並繳付全費,仲可以有9折優惠!

情人節晚膳套餐設有五道特色菜式。

甜品紅桑子朱古力慕絲蛋糕,配蜜桃有汽葡萄酒伴精美甜點。

入夜後的花園茶座充滿浪漫氣氛。

8度海逸酒店

地址:土瓜灣九龍城道199號

查詢:2126 1960

About Jetso King

「頭條Jetso」App網羅「全宇宙」著數優惠及最新消費著數情報;激賞豐富禮品及獨家超筍優惠,易玩易中,送獎贏獎好EASY!

Leave a Reply

Your email address will not be published. Required fields are marked *

%d bloggers like this: