網絡歌手小背心開騷揭真實身份 「入行7年都唔紅」

Browse By

網絡歌手「小背心」因翻唱《長相廝守》而紅爆網絡,不時都會在個人專頁分享唱歌片段, 深受聽眾喜愛。不過「小背心」從不願露出真容,神秘感十足,引來不少人揣測真身。有網民猜測,她的真身其實就是英皇旗下歌手許靖韻,然而真相仍不得而知。

圖源/網民Anthony Clh

日前「小背心」在九展舉辦音樂會,吸引600歌迷網上搶票入場。音樂會中途當她唱起自創歌《小背心》時,突然除下她的面具揭盅身份。原來她確實就是許靖韻,她在台上向歌迷吐露心聲一度哽咽落淚,「今年發現,原來自己入咗公司都已經7年,但一路都唔紅。自己都有用許靖韻嘅身份拍片,半年前拍咗一條片係衛蘭嗁cover,結果被人冚住個樣擺咗上facebook」沒想到無露面的影片反應更好,故她當晚照辦煮碗再錄一條新片,後來就有了「小背心」的出現。「因為當時夏天著住小背心,又諗唔到叫咩名,其他人就話不如叫小背心啦你都著住咗」。許靖韻表示,沒有歌迷支持就不會有今日的自己,雖然在音樂會之前發生許多事,自己身體不適聲沙,媽媽又因意外入院,「準備呢個騷都幾辛苦,但睇到你哋嘅留言同私訊,有你哋令每個人嘅愛同支持先可以繼續好好行呢條路」雖然真相曝光,但許靖韻表示,希望大家繼續支持「小背心」。

Leave a Reply

Your email address will not be published. Required fields are marked *

%d bloggers like this: