「五星級」的士有地圖有得叉電 網民大讚敬業

Browse By

的士司機的服務態度總是為人所詬病,不過仍有部分司機敬業樂業,花盡心思為乘客帶來一個不一樣的旅程。早前藝人黃建東就在Facebook群組「巴打絲打Facebook Club」上載一張圖片,指自己「從未搭過一架咁細心嘅的士」,圖中的的士佈置別出心裁,而提供的服務更是「一應俱全」。司機在椅背後掛上了充電線、小型垃圾桶、消毒濕紙巾、嘔吐袋、紙巾及香港地圖等用品,以供乘客使用,相當之貼心。網民都讚的士司機有態度服務優質,曾是座上客的網民紛紛分享圖片表揚,「我琴日都搭過,我都忍唔住影咗張相真係好專業」。另外又有網民笑稱「睇下櫈底有冇救生衣?」、「 右邊重有膠提子食」,不過亦有網民擔憂司機服務太好會在同行樹敵,「香港的士既模範,擔心佢會比所謂既行家話做壞規舉(矩)」。

黃建東早前在個人專頁補上坐車感受,「一上到車非常驚喜,因為第一次見有的士司機會咁細心佈置自己架車,好似自己的睡房一樣。除了有好多蝙蝠俠的小丑 figure之外,最感動有好多設備為顧客著想,又嘔吐袋又消毒紙巾又地圖,最難得是有充電線,因為你知依家啲手機幾快無電。香港一個咁細嘅地方,由最南到最北頂多搭個幾鐘頭,但係佢嘅設備好似去外國搭10幾個鐘頭咁,我對呢個司機嘅細心同埋無私覺得好感動,非常讚賞。」

有網民分享未知是不是同一的士的照片,設備同樣一應俱全

【相關文章】優質綠的節日佈置兼可點歌 乘客讚:整潔無電話司機禮貌

Leave a Reply

Your email address will not be published. Required fields are marked *

%d bloggers like this: