WhatsApp昨宣布正式推出「回收訊息功能」，發送後七分鐘內可以刪除訊息，獲得不少用家支持。惟「回收訊息功能」在香港大部份機種都未能開通， 反而最新版本更新了立體3D Emoji。「喊喊樣」、「驚嚇樣」、「男仔女仔樣」各種表情都變種，例如平日用開「扮乖舉手男仔女仔樣」，忽然間男仔藍色衫轉紫色衫，女仔紫色衫轉淺綠色衫。另外平日用開嘅「驚嚇樣」原本係嚇到無眼珠，但新版有眼珠。不過大部份用家似乎都對新設計不太受落，洗版直斥「好核突，還我舊版emoji」、「呼籲未更新嘅人千祈唔好更」，甚至大罵「真係好樣衰 你地（哋）有冇啲自知自明？」
不少網民更到Google Play留惡評，「邊個設計師咁失敗?佢番得鄉下。改到emoji咁叫人點用得落，見到都感到嘔心，再唔改等收一星」、「emoji啲design越黎越核突，係都要將佢變3D，又要design得樣衰，可以考慮下換過個designer」、「還我長髮少女啊～～～ 這次emoji 太醜了吧！設計師的眼睛去哪了？想變立體也不是這樣吧！」
甚至有用戶揚言留一星再刪WhatsApp，「外表醜陋之餘欠缺內涵，不堪入目，令人睇到之後無法安寢，心情受到困擾，敬希自我反省，重新換翻舊有emoji」、「完全不能接受！用whatsapp也是為了emoji而已。用的意義完全滅了！！！！！」、「更新左之後嘅emoji真係好樣衰 你地有冇啲自知自明？唔該快啲搞番掂佢」。
- 《魔鏡肥緣》玩轉童話世界 - December 2, 2019
- 築地本願寺現警世語錄 網友：感覺非常現實 - December 2, 2019
- 《熱氣球飛行家》為夢想高飛 - November 26, 2019
- 淘寶驚現光頭警長figure - November 6, 2019
- 「日本直擊」千嬅帶隊激安店掃貨 - November 1, 2019
- 索爆陳曉華誓要減肥 - November 1, 2019
- 張栢芝陪兒子開萬聖節派對 - October 31, 2019
- 山本美月 瀨戶康史香閨過夜斷正 - October 31, 2019
- SHINE同場無偈傾 - October 30, 2019
- 吳千語26歲生日拆蟹慶祝 - October 30, 2019