打擂台傷腳網民唔受 麥紫莉預難洗底話盡做

Browse By

ViuTV節目《G-1格鬥會II》8名參賽者連日於日本進行特訓,大會窩心地安排她們於小田原市沿海學習滑浪,讓她們好好的放鬆一下。麥紫莉首戰余智嘉,戰敗同時左膝頭受傷,她只好坐著輪椅到沙灘,整條左腳都被紗布包紮着。問到傷勢如何?麥紫莉透露傷後到醫院治理並照X光,醫生指其左膝頭韌帶受傷,26號回港後會再看醫生。

提到她受重創仍得不到網民憐香惜玉,她說:「我有睇到。咁我又覺得唔緊要嘅,我控制唔到所有人諗咩。但都有網友私底下問我有無事,想我快啲好番 !」她坦言早前為了提升人氣而講大話,已有心理準備要洗底。這景況洗底難嗎?她說:「預咗係咁,係難搞嘅,盡力去做囉!」

余智嘉(Chika)則自認實力確實超班,但都會對其他參賽者留手,說:「等於師傅咁話,留力不留手。姿勢會去盡,但係唔會出盡全力。」對於弄傷麥紫莉,她說:「我初頭以為我用Arm Bar整傷佢,之後發現係膝頭受傷,咁即係唔關我事啦!」另外,馬倩宜 (Happy)將對戰梁婉微,Happy坦言有點緊張,但同時因為第一次上台打MMA,心情就有點期待。對於勝出信心,她說:「我對我嘅教練同訓練有信心。」

 

Leave a Reply

Your email address will not be published. Required fields are marked *

%d bloggers like this: