雷莊𠒇被嘲似細哨接任癲姐 內地網民撐亞軍何依婷

Browse By

《2017香港小姐競選》A昨落幕,雷莊𠒇、何依婷、黃瑋琦分奪冠亞季軍,對於8號伍樂怡大熱倒灶,不少網民都話好失望,直指泳裝答問環節中,冠軍雷莊𠒇同樣表演麻麻。另外又有網民笑指雷莊𠒇哨牙、不會講中文,「5號連中文都唔識,仲話住咗香港10年」、「5號今晚好sharp夠台型,由出場開始佢每套衫都係最靚最搶眼!但佢個樣我真係唔識欣賞!」、「細哨攞冠軍,真係咁都得」。

有網民更搞笑指雷莊𠒇似足《踩過界》中,「癲姐」蔡思貝的哨牙Look,提議《踩》劇添食可找雷莊𠒇做癲姐,因為唔使戴假牙。另外,五強換上晚裝出場聽三甲結果時,穿上藍色透視裙的雷莊𠒇比起著粉色裙的佳麗明顯突出,令網民懷疑造馬,「人人著白色衫…只有5號著紫色衫..企中間位」、「實質就全部都係事先安排好晒,內定晒」。

除了香港網民對賽果感到不滿,內地網民亦都同樣關注港姐賽果,話題還一度登上微博熱搜榜。大部份內地網民都指出,亞軍何依婷靚過冠軍雷莊𠒇,留言:「我覺得左邊的那個比較好看」;亦有部份網民撐季軍黃瑋琦比雷莊𠒇好看,留言:「中間的不如兩邊的」。

Leave a Reply

Your email address will not be published. Required fields are marked *

%d bloggers like this: