【網民熱話】地勤列七大「病症」指港人旅遊變殘障人士

Browse By

早前有空姐出帖指港人旅遊似弱智,引來不少人討論之餘,亦都令到不少行內人士的同感。早前又有自稱任職地勤的網民在FB page「CX secrets」出文分享,指港人旅遊不只似弱智,指「香港人去旅行變哂做殘疾人仕」,再次引起迴響。

這位地勤在文中列出六大港人「病症」,包括「間歇性或選擇性失聰」、「選擇性失明」、「疑似啞」、「弱智」、「井底之蛙」、「閱讀障礙」和「過度活躍」。而這些病症主要體現在港人一些不合理的行為上,例如是無視為check-in櫃台分流的職員時結果反罵職員沒有提醒、check-in時才收拾行李等行舉:

po主原文:
1. 好多客埋到counter check in, 擺低本passport 就執行李(點解唔執好先去排隊?)、傾電話、傾一陣落機去邊玩、etc。我地要問成三四聲””請問今日坐咩機去邊度””先如夢初醒咁回魂。 症狀:間歇性失聰

2. Ground Staff 有個task 係需要企喺隊尾逗一逗排隊嘅客人以防佢地排錯隊, 但當你問””請問有無online check in?”” “”請問係咪坐商務艙?”” “”請問係咪我地會員?”” 等等嘅問題, 就會有啲人無視你直接衝入隊, 而且通常無視你問問題嘅人都係會排錯隊, 當佢地幾經辛苦排到去counter 時發現自己去錯地方要由頭排過又會怪無人提佢。 症狀:選擇性失明、選擇性失聰、疑似啞

3. checkin 問客人去邊, 會有機會得出以下答案””台灣”” (台北?台中?花蓮?高雄?) “”美國”” (美國好大) “”日本”” (雖然日本無美國咁大) , 當然仲有最勁嘅—–「吓我唔知今日去邊呀, 你有我名check 唔到咩?」。症狀: 弱智

4. Online Check In 其實已經推行咗無十年都有八載, 但依然有超過一半香港人唔知係乜。 症狀: 井底之蛙

5. 近呢個月公終於喺隊頭加裝咗類似銀行嘅鐘仔, 只要同事喺counter 一按, 隊頭就會顯示請前往某某counter 再配上左/右箭咀, 但香港人明明見到左箭咀都仲係會向右行, 又或者向左行幾步之後見面對兩三個counter 都有人就回頭返去隊頭企。老老實實, 我未見過銀行撳鐘會有人行錯counter(下一位請到五號窗)。 症狀:弱智

6. 而家Baggage Drop 推出咗自助服務, 簡稱SSBD, 客人需要自己擺行李上磅, scan 登機證然後貼好行李條,整個流程有短片以及圖片介紹示範。呢個自助服務簡直係盡顯香港人嘅殘疾程度有幾嚴重:
一. 擺低行李之後直接離開或者眼甘甘咁望住部機, 先生/小姐, 呢部機叫自助行李寄艙, 唔係””””””自動””””””行李寄艙。 症狀:弱智、閱讀障礙
二. 圖示要求將行李打橫平放, 避免行李因為有碌而喺磅上面溜返出嚟, 而香港人會選擇由得佢溜, 每次溜出嚟就用手推一下。 症狀:弱智
三. 放好行李之後部機會顯示叫你用旁邊個scanner scan 登機證, 香港人會將佢手上張登機證””抆”” 落去個mon 度然後投訴scan 唔到。症狀:弱智、選擇性失明
四. 終於排除萬難去到貼行李tag 呢一步, SSBD部機會自動print 一張label 出嚟, 客人需要自行掛上行李, 張label 嘅構造其實係一張貼紙, 正面係行李tag 嘅barcode, 目的地等等資料, 背面就有使用說明同一個紅色部分比客人撕開露出貼紙部分對摺貼好, 但香港人會選擇就咁放條tag 喺行李箱上面、唔撕開紅色部分然後投訴無得貼、反轉將barcode向內貼好, 最過份嘅莫過於將行李條向Ground staff 揮舞要求協助等等。 症狀:弱智、啞
五. 幾經艱辛終於掛好行李tag, 原本只需要按ok 等部機送走行李就大功告成, 但香港人會突然將原本平放嘅行李企返起, 或者強行將行李推去行李磅後半部。 症狀:弱智、過度活躍

不少同行、同事看後都表示認同,更有人指「(港人)上機後病情持續惡化」。不過亦都有人以「過來人」的身份安撫,「畀多d耐性啦,我明嘅當你每日都係見到d客係咁,你就會好易躁底,但有時d客可能幾年先搭一次飛機,佢地真係咩d唔識,唔明咩叫自助行李登機」。

Leave a Reply

Your email address will not be published. Required fields are marked *

%d bloggers like this: