港鐵站員數算乘客4宗「罪」網民不滿狂轟

Browse By

港鐵近來頻頻發生故障,而早前港鐵亦都因此被罰至少2000萬。時常壞車令到不少市民都感到不滿,但就有自稱是港鐵站員的網民出來發聲,發文指出乘客平時4大「麻煩事」結果引來其他網民炮轟。

事源一位自稱是港鐵站員的網民在FB專頁「人客人無藥醫」,以「港鐵站員再發聲 麻煩乘客注意下」為題,似乎是抱怨乘客平時幾個令他討厭的事情。當中列舉了四項包括「 廁所」、「入錯閘 / 拎漏野」、「問電話 / 問路 」和「客務中心」的相關「罪行」,分別出指乘客和站內職員爭廁所、入錯閘後無理要求放閘、濫用客戶服務以及利用票務處找換紙幣硬幣。最後樓主還表示,自己是做「運輸」,所以乘客不應要求「服務」。

帖文一出隨即遭受網民炮轟,對文中所指出的事情逐一列點反撃,又有人怪罪於港鐵公司指「你唔好再壞車先講野啦」。另外又網民指出,「但你個Post 又講站務,個務字到底係點解? 除左第二點其他野真係攞黎講而且你可以係On duty 時say no. 想乜都唔駛做就去油站啦。」

原帖內容
1. 廁所
其實站內既廁所係 「員工廁所」已經要同商舖既店員share,麻煩唔好再同我地爭廁所用。 老實講,車站附近(95%)有商場,而且又大又乾淨,何必要用車站簡陋無比兼未必乾淨既廁所呢?
再者,因應車站設計,唔係所有站都可以㯲個制開門俾你自己行入去 (嚴格黎講,係冇一個站可以) 何必要職員「押解」閣下呢?
(當然,大家可以話咁咪唔X好借囉! 係嫁,站員唔想嫁。不過各位尊貴既乘客唔係咁諗,當然膠層都唔會咁諗)

2. 入錯閘 / 拎漏野
你得識話錯啦,咁點解我要放返你出去呢? 你地上錯巴士,上錯的士,難道就可以唔俾錢? 點解係要我地放閘呢?

3. 問電話 / 問路
(這裡泛指貴客親臨客務中心 / 致電車站)

首先要重新提醒大家幾個數目字: 1083 (可能太耐冇打過唔記得) 各位貴客,車站並不是電話公司,唔該唔好打黎問車站既某店舖既電話號碼,甚至係附近商場既管理處號碼。
再溫提大家一次: 1 0 8 3

其實呢,呢個世代,個個人都拎住部 「智能」電話,理論上可以用google map,點解仲有咁多人問路?!
哦,爆data,唔用得,大堂其實係有free wifi的。 再唔old school D車站有地圖/車站指南。

我答左你邊個出口出,仲要問我之後點行。 就算我真係答到你直行轉左再轉右再直行,難道你又真係記得兼行得到去?!
最重要既係你要親身行先會去到,用個口黎問路係去唔到嫁!

客: 要行幾耐先到?
其實我真係好憎呢個問題,人既腳有長短,步速有快慢。 我識路,你唔識要搵路,咁你想我點答你呢?

最後,麻煩各位唔好係 A 站問關於 B 站 C 站既問題,例如其他站有咩商舖,去到個站要邊個出口等等… … 因為我地真係冇可能個個站既野都知,答到既係bonus 。

4. 客務中心
其實應該叫 「票務處」先啱,我地係處理票務問題。
唔係銀行。 大鈔唱細鈔,散沙唱紙幣 (有D變態到淨係指定要某銀行既紙幣)

Leave a Reply

Your email address will not be published. Required fields are marked *

%d bloggers like this: