香港打工仔的每周工時長度是全球之冠，達50小時，較全球平均約36.5小時高出38%，比全球每周工時最短的巴黎比較，更高出六成。不少打工仔為層樓、為供養父母、為奶粉錢捱到病，有人打工打到連骨肉都要犧牲埋，然後又繼續返工…
星期日（11日）有網民在香港討論區開post指，舊公司有同事日前返工時作小產，下面見紅。她隨即向上司請示想即日放假，豈料上司不肯批假之餘，更着她完成工作才離開。最後舊同事小產，胎兒不保。她其後沒有向公司管理層投訴，上司對小產事件置若岡聞，置身事外，舊同事只好繼續如常上班。
該網民補充說，曾聽聞該舊同事本身不想要孩子，曾打算墮胎，但最後打消念頭。估計胎兒本身就陀不穩，才引致小產。舊同事小產後亦未覺太傷心，可能因此沒有向管理層反映。網民亦估計她擔心投訴會令她失去工作，所以不敢出聲。不過樓主認為「老細知道員工作小產，就應該比（俾）人即時放假，隨時一屍兩命，大人同BB都有生命危險，我真是替她心痛。」
其他網民紛紛聲討該上司，指他無人性，隨時有報應。不過亦有人認為懷孕同事都有責任，危急關頭應該自行決定，直接召喚救護車入院，毋須請示上級，事後再補回假紙亦可。其他同事理應關心，尤其是孕婦見紅如斯大事。
網民留言：
「可憐人亦有其可恨之處 老板叫你做你就做?傻架? 醫生對大肚婆既指引，見紅係要即刻去醫院架，叫白車都得呀，唔比請假?笑話」
「當然要向公司反映啦，人命呀！今次大人唔死得，難保下次另一個同事出事。」
「即刻暈低call白車啦。仲去申請攞假？」
「今次只可以說無良上司遇上無腦員工」
「啊…希望你個同事養好身體，一定再有機會！」
「奇怪既係 小產時無其他同事幫手 CALL 999 叫白車 」
【討論區原帖】舊同事返工時作小產，佢老細都唔即刻批假
http://www.discuss.com.hk/viewthread.php?tid=26717210&extra=&page=1
- 《魔鏡肥緣》玩轉童話世界 - December 2, 2019
- 築地本願寺現警世語錄 網友：感覺非常現實 - December 2, 2019
- 《熱氣球飛行家》為夢想高飛 - November 26, 2019
- 淘寶驚現光頭警長figure - November 6, 2019
- 「日本直擊」千嬅帶隊激安店掃貨 - November 1, 2019
- 索爆陳曉華誓要減肥 - November 1, 2019
- 張栢芝陪兒子開萬聖節派對 - October 31, 2019
- 山本美月 瀨戶康史香閨過夜斷正 - October 31, 2019
- SHINE同場無偈傾 - October 30, 2019
- 吳千語26歲生日拆蟹慶祝 - October 30, 2019