大埔獸醫疑擅自剝狗仔8隻牙 「佢成口血成身濕晒血淋淋」

Browse By

狗主朋友原po

狗主原po

有網民爆料指早前朋友帶4歲狗仔到大埔一間獸醫診所,打算以1100元的價錢請獸醫為狗仔洗牙,孰料獸醫在未有通知朋友的情況下,將狗仔8隻牙齒拔去。

狗仔成口都係血好慘

事源狗主在本月14日到大埔一間獸醫診所帶狗仔去洗牙,洗牙前獸醫為狗仔檢查,表示有可能要為狗仔剝牙,不過就未有明言要剝幾多隻牙。因為狗仔要打麻醉針,故狗主簽下一份俗稱生死狀的同意書。然而當狗主再回到診所接狗仔時,心痛發現狗仔滿嘴鮮血,瑟瑟發抖,「見到隻狗仔成口血,半身濕晒,血淋淋咁,原來佢地係無通知我朋友情況下,幫隻狗剝咗8隻恆齒牙仔!係8隻!仲要話隻狗咬佢地,所以無辦法幫佢止血!」

收費單據

狗仔被拔去8隻牙

最後狗主被索價3858元的費用,當中包括8隻牙拔除費用共2700元(乳齒和恆齒索價不一)、洗牙費1100元及止痛藥費58元。狗主取回狗仔被拔走的8隻牙齒,問獸醫為何要將沒有蛀掉的牙都拔去,獸醫解釋是因為牙腳鬆脫,而且部分牙齒已經呈黑色,所以要將牙拔去。獸醫又表示,因為狗仔咬姑娘和醫生,所以無法為牠止血和清理。狗主表示,獸醫拔牙前並沒有告知剝牙需要另外加錢,而且若果狗仔需要拔8隻牙齒的之多,應該來電通知。

狗仔的覆診證

狗主朋友憤言「(狗仔)成世進食流質食物,以後冇得再食最愛的骨頭,甚至連玩玩具都冇晒牙咬,可憐狗仔只得四歲,點解可以咁冇醫得咁唔負責任,係咪因為狗主係—位小妹妺,—見到血淋淋發抖嘅狗仔,只係識喊同比錢,就要咁詐騙?」網民們看後都為狗主抱不平,大罵診所是「黑店」,又建議狗主保留證據向獸醫管理局投訴。

3 thoughts on “大埔獸醫疑擅自剝狗仔8隻牙 「佢成口血成身濕晒血淋淋」”

  1. Rain says:

    3千幾咪算平囉,我家狗狗剝11隻要7千幾,依家暫時餵濕糧或浸軟乾糧,過1個星期可以食返正常,我狗狗雖然冇咗一半牙,不過仲鐘意咬骨片,一樣咁咬得食得!過咗啖氣遅d再諗返轉頭就唔會覺得內疚或嬲,因為狗狗再冇牙痛牙周病困擾

  2. Ho says:

    我都有類似慘痛經歷, 隻約瑟爹利仔有口臭, 帶去愛護動物協會看獸醫, 獸醫說他有幾隻爛牙, 要全身麻醉下檢查才能確定剝幾多隻, 仲話最好順便做絕育手術,個仔當時都13歲,我說不用做了,他說不做的話將來容易患各種疾病,例如癌症,不知道當時為什麼會信,竟然傻到簽字同意,去接仔時才知道竟然一次過剝了11隻牙,係11隻呀!我能想像他麻醉藥氣過後會有多痛,抱到他時他還未完全甦醒,那個連抬頭都無力的表情簡直令我心碎,而且做了絕育手術後身形開始變,本來健美的身材慢慢趨向水桶型,活潑好動的他變得有些懶洋洋不怎麼愛動了,真是萬二分後悔帶他去看獸醫!

  3. Lavie says:

    😡

Leave a Reply

Your email address will not be published. Required fields are marked *

%d bloggers like this: