杜汶澤都試過Check-In後無位 一個電話即解決?

Browse By

杜汶澤打一個電話就有機位(資料相片)

聯合航空當地時間星期日,因超賣機位,抽「生死籤」將亞裔乘客拖離客機的片段星期二被瘋傳,杜汶澤下午兩點就於社交網站Post文,公開自己有「特權」。阿澤指之前曾試過因航空公司超賣機位,令他不能到海外拍攝電影,結果一個電話即解決,小編好想知電話入面嗰個姓咩!

杜汶澤於社交網站Post以下內容:

「你唔係唔知,航空公司有超賣機位夏話?」

今日見到UA單新聞,真係好心噏。
其實大家又知唔知,你比咗錢訂咗機位,都唔代表你100%上到機。
我同助手尾寶,就試過咁嘅經歴。
話說有一次去某個國家拍戲,果度出曬名無啖好食,所以一般人如果唔係為咗錢,絕對唔會去。
Any皮,果朝早我地去到機場check in,個地勤人員(利申唔是UA)話:
杜先生,唔好意思,班機爆咗。

我:哦…… 咁好生意?咁恭喜你喎。

地:…… 你無位喎。

我:吓?哦。尾寶!

咁尾寶咪比張 e ticket 比佢囉⋯⋯

地:係,你係訂咗位,不過我地爆左喇,所以你上唔到機喇!

我同尾寶異口同聲大叫:係咪真咖?

一諗到唔使再去某國,兩個即時跳起 yeah 啦!之後我就同個地勤講:

咁麻煩你同個製片講有件咁嘅事,今日拍唔到嘞,你話你肯賠,咁就 ok 啦!咁我就返去瞓嘞吓!

寶:好呀!多謝你呀小姐,我其實好眼訓呀!

出咗名成日肚餓同眼訓嘅尾寶當然好開心。即刻打比製片,然後將個電話交比地勤人員。我隱若聽到電話裡面傳來鏗鏘響亮嘅粗口聲,從地勤個樣睇嚟,件事其實未完。地勤收綫之後,打咗個電話,跟住又有一兩個人過嚟,又㩒下部電腦。之後佢好似好撚驚喜咁吊高把聲話:綺!杜先生!我搵到個位比你呀!

我:「搵到」個位比我?我訂咗咖!

之後我地拖住兩個hand carry 同兩條半睡嘅身軀上機。

寶:「搵到」個位喎,九成九搵到第二個好蝦d嘅乘客就真啦!

我:咁梗係啦。

其實到今日我都仲係好好奇,究竟咩政權,可以咁樣保障生意佬呢?點解因為飛行成本高,就可以一千個位賣千幾張機票呢?點解比咗錢都唔等於飛到呢?究竟係咩 logic乜嘢法律可以咁保障航空公司呢?係咪全世界都咁呢?

當然大富豪會答你,係呀!細佬,所以我自己有飛機囉,你唔鍾意搭的士你都買車啦!

有錢佬,當然會咁答。

但係有時呢個世界上唔公平嘅事,就未必有人答到我。

阿澤仲親自覆留言,話聯合航空啲食物 #而且啲嘢食仲

Leave a Reply

Your email address will not be published. Required fields are marked *

%d bloggers like this: