張潤衡話「我樣衰,定我資歷唔夠?」

Browse By


八仙嶺山火倖存者及灼傷會副主席張潤衡,近期被受網民抨擊,指他不適合到台灣協助塵爆傷者,又帶採訪隊到台灣騷擾傷者,更將「八仙嶺山火」事件重提,話他掉煙頭釀成山火。張潤衡星期五晚接受傳媒訪問,話作為過來人:「點解我唔得,我樣衰,定我資歷唔夠?」。

張潤衡周五晚接受傳媒訪問,提到被網民抨擊,指他令塵爆傷者提早面對傷痕,令傷者激動,更指他帶同《東張西望》攝製隊到台灣拍攝,張潤衡否認並指《東張西望》攝製隊只問他乘搭甚麼時候的飛機,他自己回答後,到台灣一出閘即發現攝製隊。他亦對於攝製隊入內拍攝都表示不滿,否認有同《東張西望》「夾」新聞。另外對於他是否最適合的人選,張潤衡話自己是灼傷會入面最有經驗,自己用心去幫手,「係咪一定要揀靚仔靚女呢?」,提到他是雙重身份,包括是灼傷會副主席,亦都是「過來人」,有機會令到傷者激動及提早面對事情,張潤衡話組織有十幾年歷史,程序上自己亦都有問台灣傷者家人願不願意,對方亦都表示希望得到支援,其實大家是否存有歧視呢,「我都嘗試做普通人」。張潤衡又話探訪期間,有傷者問:「我會唔會好似你咁?」,他則回應話「未必㗎」,坦言自己傷勢較重,覺得現今醫療方技更進步。

對於山火起因,網民直指張潤衡掉煙引起山火,更有其同學到臉書留言,話見到他掉煙,張潤衡堅稱:「山上面食煙一定唔係我,我無拎出嚟」,他又話在死因庭上,亦都有講過自己食早餐因為貪玩,食過一兩支煙,自己很怕事怕被老師罰,在老師面前更是大忌,自己一定不會在老師面前食。張潤衡又話自己其後將包煙放入袋,亦都有人證明佢無食煙,但提到同班同學有很多人都食煙,當日亦都有帶煙上山,指學校紀律差。講到吸煙習慣,他說自己無吸煙習慣,當日自己都是第二次食煙,連牌子都唔記得。張潤衡又講到自己沒有朋友,人際關係差。

對於網民有指張潤衡刪除留言,他說:「我沒有刪,臉書有個功能,會自己Hide(隱藏)留言,我自己成日都無上臉書,佢係自己Hide(隱藏)留言,我無刪除度」。他又為之前可能考慮不足及「生煎包」論道歉,並請求網民放過他屋企人,話「禍不及家人」。

Leave a Reply

Your email address will not be published. Required fields are marked *

%d bloggers like this: