《春嬌救志明》出原聲唱片 春嬌、Brenda、Isabel玩轉錄音室

Browse By

春嬌救志明

「春嬌志明系列」來到第三集,《春嬌救志明》將於4月27日上映。早前網上流傳余春嬌(楊千嬅)與兩位閨密Brenda(林兆霞)和Isabel(陳逸寧)唱K的幕後花絮,忘形大唱Raidas金曲《傳說》。其實由第二集《春嬌與志明》開始,90年代經典歌曲已經成為電影系列中一個重要元素,例如《動地驚天愛戀過》、《別問我是誰》等在戲裏舉足輕重,更一度成為城中話題。

有見及此,今集《春嬌救志明》將會推出原聲唱片,戲中Brenda和Isabel兩位好姊妹為氹余春嬌開心又唱又跳《傳說》一幕,更是這張原聲唱片的重頭戲。三人到錄音室錄音和拍MV,首次踏足錄音室的Brenda和Isabel心情非常緊張,不斷唱錯歌詞、入錯拍字、撞咀疊聲。接受訪問時,千嬅坦言:「其實我哋今日已經好收歛啦,平時更加瘋狂,笑到收唔到掣。因為識咗8年、合作咗3集,拍到入晒血,抽離晤到,將戲裏經驗當成現實!」

三人手舞足蹈high爆錄音

戲中被黃曉明迷戀的Brenda現實中原來很迷戀黃曉明,更希望與他再續情緣:「如果係現實就好啦!」不過Isabel撥冷水道:「人哋結咗婚生咗仔啦!」Brenda扁咀說:「我知,叫小海棉吖嘛!」事實上「春嬌團隊」經常約埋唱K聯誼,千嬅說:「去到唱K,我好少唱自己歌,甚至好少唱歌,平時工作唱太多,我通常同朋友玩、聽人哋唱或者跳舞,都好熱鬧架!」Brenda和Isabel反而唱K勁揀千嬅的歌唱,千嬅聞言即哈哈大笑說:「多謝晒喎,你哋點唱我有版稅收,我都係靠呢啲起家㗎咋!」

由2010年上映《志明與春嬌》、2012年《春嬌與志明》,到今年4月上映的《春嬌救志明》,這7年裏千嬅在現實中由單身到拍拖、結婚生仔。所以得知《春嬌救志明》推出原聲碟,她感受很深,她說:「我好開心又好感動。呢啲係緣份,我哋因為呢個電影系列而認識,合作了咁多年成為朋友。一部電影系列拍咗差唔多8年,今年第3集,我哋一齊拍戲、錄歌、出碟,係大家一齊擁有,好有紀念價值,將來可以畀仔女睇。」

戲中有一幕Isabel和Brenda忘我跳《傳說》

Leave a Reply

Your email address will not be published. Required fields are marked *

%d bloggers like this: