山頂密會陳展鵬 單文柔被指係是非精

Browse By

單文柔、陳展鵬

陳展鵬日前被影到同今屆落選港姐單文柔山頂談心兼開餐,網民嘅第一個反應都係:「咁胡定欣呢?」煎Pang星期五就突然「硬起來」話從來無同胡定欣拍拖,同之前曖昧不清嘅態度兩個樣。煎Pang話女方係佢Stylist,仲話而家單身,同任何女仔都可以有發展機會。

《萬千星輝頒獎典禮2016》陳展鵬與胡定欣憑《城寨英雄》奪得視帝視后,被要求咀咀,兩人顯得非常尷尬

唔少人都對事件中嘅女主角都印象模糊,「淨係知邊個係單立文」。其實26歲嘅單文柔係今屆落選港姐,畢業於倫敦藝術學院,主修布料設計,參賽前係一名布料設計員。港姐競選賽前唔係大熱,不過最終爆冷晉身十強進入決賽。當晚陳展鵬都係評判之一,選「最上鏡小姐」和心水「電視劇女角色」環節時,煎Pang都力撐單文柔,睇嚟一早已經過電。

落選後單文柔參加藝員訓練班進修幾個月,有傳大台打算安排佢主持兒童節目《Think Big天地》。咁點解當晚要上山頂摸黑談心呢?煎Pang就話由於對方修讀時裝,之前佢有三次登台單文柔都免費俾意見佢,所以就要請佢食飯。不過佢話當晚餐廳爆晒,於是提議買嘢上車食。但中環又泊唔到車,所以就就上咗山頂,煎Pang話:「如果去飛鵝山仲大鑊」。佢對於事件影響到胡定欣同單文柔覺得唔好意思,仲好man咁話:「如果有乜訪問搵我就得!」

單文柔睇落有少少baby fat、包包面,好有鄰家女孩味道。不過參選時有報道指佢係是非精,鍾意搞小圈子,不時黐住大熱佳麗狂讚對方靚。又落足鞋油奉承保母同工作人員,仲特登整蛋糕俾保母同海外佳麗食。相反對於一啲陪跑分子就兩個樣,見佢擺亂少少嘢就立即針對人,仲鍾意篤人背脊。

單文柔參選港姐爆冷晉身十強

兩個人Instagram互相Follow。(左)陳展鵬Instagram的追蹤名單;(右)單文柔Instagram的追蹤名單

單文柔好有鄰家女孩feel

單文柔參選時經常指自己是愛吃一族

單文柔樣子無害但被爆是「是非精」

Leave a Reply

Your email address will not be published. Required fields are marked *

%d bloggers like this: