銅鑼灣名cafe裂水杯鎅傷食客口 稱要睇CCTV拒負責醫藥費

Browse By

涉事水杯有一條裂痕,杯緣位置崩了一個缺口

一名食客星期五和朋友到銅鑼灣一間連鎖咖啡店用餐,被店內的水杯鎅傷嘴部。告知職員後對方向公司報告,對方態度惡劣,更要求翻查CCTV,又明言要報警,更坦言不會負責她到醫院檢查的費用。事主認為店家的處理手法欠人情味,令她非常不滿。

食客邢小姐星期五(10日)與朋友到銅鑼灣一間頗有名氣的連鎖咖啡店用餐。期間朋友到自助水吧斟水,邢小姐拿起水杯準備飲用的時候,突然感覺嘴部疼痛,估計水杯當下裂開鎅傷她的嘴部。邢小姐憶述斟水及運送的過程中沒有碰撞,相信水杯本身已經有裂痕。

邢小姐立即通知店內經理,對方對此非常抱歉,說道:「小姐如果你受傷,我哋陪你睇醫生」。事後經理通知咖啡店總公司,公司職員要求翻看閉路電視,更坦言不會負責她到醫院檢查的費用。最後店家報警求助。

邢小姐指雖然傷口無血或表面傷痕,但她認為公司職員的處理手法非常差劣:「完全唔覺得佢關心客戶,佢完全唔覺得自己有責任」。店方更一度將矛頭指向食客,事件中她只求安心,亦歡迎店家翻查閉路電視。

咖啡店回應指由於涉事水杯運送途中有三個經手人,而當中無人發現水杯有問題,店方對事件有懷疑所以要求翻看閉路電視。另外警方到場後指事主不能就事件要求賠償,必須經由民事索償。因此店家向事主表明若要到醫院求醫,將不會負責其醫療費用。他們又指一向重視顧客安全及體驗,水杯亦都有非常高品質,之後將繼續跟進事件。

對於翻睇CCTV一事,事主表示「歡迎」,而我們向該咖啡店查詢,發言人指懷疑事主:「自己碰爛隻杯」,因此需要翻睇CCTV,被問到是否已翻睇而作出該懷疑時,發言人回應「稍後才翻睇」。

涉事的咖啡店

5 thoughts on “銅鑼灣名cafe裂水杯鎅傷食客口 稱要睇CCTV拒負責醫藥費”

  1. Esther says:

    好明顯有想屈人錢啦 ,屈唔都未購做搖生事羅。

  2. Andy says:

    間coffee shop 應該叫佢賠番隻水杯先對 ,因為係佢朋友到自助水吧斟水時碰崩了,先發制人,無血或表面傷痕,為何感覺嘴部疼痛呢,有想屈人錢啦,唔好姓”邢” ,改姓”屈” 。on9

    1. Estella Wong says:

      我覺得嗰位邢小姐想屈間餐廳錢多D囉!見間餐廳公司唔陪錢就報警求助⋯⋯擺明就係屈人唔成功就變成攪事囉… 正一社會人渣….. 其實我都有去個呢間餐廳飲過咖啡. 個經理仲介紹過D點品和好friendly,細心 和耐性地講解佢地餐廳自己品牌咖啡比我地認識. 👍🏻👍🏻👍🏻👍🏻

  3. Boey says:

    擺明屈錢啦,呢間cafe我成日都去,每個員工都好好好👍🏻👍🏻👍🏻👍🏻👍🏻👍🏻👍🏻

  4. Teresa says:

    冇血又何來傷口。飲檸水有核都會吐啦,飲清水有片野都吞,斱唔logic.

Leave a Reply

Your email address will not be published. Required fields are marked *

%d bloggers like this: