荔園被指欠安全意識

Browse By

滿載童年回憶的荔園上月尾重開,有網民指遊戲搵笨更在討論區發表潮文,星期二再有網民上載短片,指荔園無安全意識。事發於星期二,上載短片的人話佢妹妹同囝囝玩惡龍滑梯,期間職員見BB細個,於是妹妹就陪BB玩,點知BB就撞到頭;荔園方面就話事件入面抱住BB的媽媽手勢掌握得唔好,表示對方唔追究。

網民Vanessa Wong星期二上載影片,話「想同小朋友去荔園玩恐龍滑梯既家長,要好好考慮清楚!事原仔仔去玩,工作人員見到就話太細要大人陪玩,我個妹就陪啦!佢條滑梯又窄又淺,小朋友自己玩都幾危險,要大人一齊就仲得人驚!佢兩個一轉落黎就出事,我個仔塊面就撞左,嚇死我!工作人員話带我地去救護站,個救護站行成300米先到都算,去到竟然無人就要鎖左,條友白痴到問我可吾可以帶bb去另外一個救護站,仆你個街,個距離至少500米!洗完塊面,膚下冰,就叫你簽份野,話你自己自願無事走人,我無簽,我點知仔仔晚上會吾會先有事架!問佢地會點follow up,佢就話留電話俾佢地,聽日打反俾我問details!荔園根本無考慮到小朋友既安全問題,只要你肯俾錢,就俾你玩!」,網民回應指「好陰公豬呀!」又話「嘩我見到心都痛,太危險完全唔岩(啱)小朋友玩」。荔園發言人則回應指一直有關注事件,恐龍滑梯經過過千人玩過,期間無太大問題,指事件入面的女人手勢掌握得唔好,表示已即時更改守則,包括三歲以下小朋友不可以玩,亦都不可以抱著小朋友玩。荔園發言人又話樂園內有兩個救護站,其中一個會於假日時關閉,可能前線工作人員當時太急,忙中有亂,會再同前線工作溝通;強調一直有同事主溝通了解,對方表示不會追究。

Leave a Reply

Your email address will not be published. Required fields are marked *

%d bloggers like this: