香港高壓求學環境已是人人皆知，想不到成績之外，連上堂「打喊露」都要被mark低？

有聲稱是真光中學女學生指「我地萬萬估唔到，原來我地真係有變成監犯既一日。」

一名聲稱為九龍真光中學的女學生在社群網站Instagram的帳號「school.secrets」上投稿貼文，指出「萬萬估唔到，原來我地真係有變成監犯既一日。」

2017.02.11 [KTLS] 我校一直被戲稱為九真女子監獄，但我地萬萬估唔到，原來我地真係有變成監犯既一日。 . 由呢個星期開始，我地學校就多咗一隊巡邏隊，由高層人士組成，係上堂既時候會圍繞成間學校巡邏睇我地既上堂情況。呢個都唔係問題，但最困擾既係佢地嚴重干擾課堂既進行。呢啲高層曾經一堂最多經過個課室四次，佢地會係門口同窗口望入嚟，睇下學生有冇將水樽擺係枱面、訓覺、做其他野、托頭、打喊露、翹腳等等，甚至有同學連托眼鏡都俾人鬧。佢地會將呢啲情況mark低，事後可能記名。佢地甚至會上上吓堂拍門捉人打喊露、話個班房太亂要學生執好佢，嚴重阻礙課堂進度，影響日常教學。 . 高層睇既唔止學生，仲有老師。佢地口頭要求老師上堂時唔好坐低(另一說法為坐少啲)，我地都一堆黑人問號，到底唔俾坐低教書同教學質素、課室秩序有咩關係呢？學生每日坐係度上最少八堂都覺得好攰，更何況係老師企係度上足全日？更重要既係，我校現時有兩位懷孕超過八個月既老師，以及不久前接受過治療或開刀既老師，佢地如果因為有生理問題要坐低教書，就要寫信向高層申請。我地聽到都O曬嘴，坐低呢個最基本、連北韓都有既權利，竟然係我校成為一種奢侈。有老師寧願彎腰㩒電腦都唔敢坐，亦有老師未坐到落張凳就因為有高層行過而即刻彈返起身。當受監管既對象唔再止於學生，連老師都要擔驚受怕咁教書，究竟呢間學校變成一個咩世界？ . 訓輔組執行呢一連串行動既原因仲可笑，據稱佢地係因為某班發生作弊及欺凌事件所以覺得要對各班嚴加監管。首先，其中一班既一小部分人犯錯點解要全校嚟承受？其次，上堂時已經有老師維持秩序，正常既欺凌者都唔會揀上堂既時候嚟欺凌人啦下話？另一個原因係要維持樸素既學習氣氛，難道校方認為老師企係度教書、唔擺水樽係枱面就可以達到呢個效果？點解學生打喊露唔係覺得佢地好攰好辛苦而係要記名？初衷再好，用呢啲高壓手段管理學生都係唔會令我地有所改善，只會惹起民憤。 . 你可能會話「平生不做虧心事，半夜敲門也不驚」，但當你連打個喊露呢啲正常生理反應都可能會俾高層記錄在案，你又有咩可能唔驚？每當有人係課室外行過，我地都會以為係巡邏隊，其實對師生都構成好大既心理壓力，更損害課堂質素。 . 「社會係學校既縮影」呢句話真係講得冇錯，學校正正令我知道呢個社會有幾黑暗幾獨裁幾冇自由。當我以為check bra顏色已經夠過分，原來呢個世界仲有啲更離譜既事。學校本身既校規已經唔係寬鬆，俾學生既壓力已經好大，依家再搞啲咁既野出嚟，係咪想令更多人吃不消？將呢件事寫出嚟係想引起更大既迴響，令學校停止呢個高壓政策，還學生一個正常既學校環境。 #名校secrets #schoolssecrets #truelight #tl #九真 #prison #freedom

名校Secrets（@schools.secrets）張貼的相片 於 2017 年 2月 月 11 4:13上午 PST 張貼

文中指出真光中學被戲稱是九真女子監獄，沒想到校方近來真組成一個巡邏隊，在上堂其間巡視校園，最高紀錄在一堂課中重複經過教室足足四次，嚴重阻礙課堂進行，影響課堂品質。她表示巡邏隊會看學生有沒有將水樽擺在枱面、睡覺、做其他事、托頭、打喊露、翹腳等等，「甚至有同學連托眼鏡都俾人鬧」，他們會將這些情況記錄下來，事後可能會記名。「佢地甚至會上上吓堂拍門捉人打喊露、話個班房太亂要學生執好佢」，簡直是監獄般管治。

更誇張的是，管制範圍除了學生之外，連老師都要「擔驚受怕咁教書」，她文中指「佢地口頭要求老師上堂時唔好坐低(另一說法為坐少啲)」，並聲稱現時有兩位教師懷孕八個月以上，還有一名前陣子受過治療或開刀的教師，而且有老師還沒坐到凳上，就因為有高層經過而立即彈返起身。也有老師寧願彎腰使用電腦也不敢坐！如果因為有生理問題需要坐著教書，就要寫信向高層申請。

九龍真光中學

之後有傳媒去查詢訪問，九龍真光中學副校長何玉玲回應，校方安排五名教師組成巡邏隊於課堂其間巡視校園，每日三次，巡堂目的不是想要罰學生，而是要「提醒課堂秩序」。她強調網上的水樽擺在枱面、睡覺、做其他事、托頭、打喊露、翹腳等等是誇張扭曲的說法，並沒有記名處理，「本簿冇mark過網上所講嘅行為」。何又澄清校方並沒有要求生理需求的教師以書面申請坐著教課，只是鼓勵他們站著授課，「一來師生可以互動，二來方便管理秩序，亦等學生望到老師」，如果教師有需要是可以坐著教課的。

副校長指出要了解組成巡邏隊的原意是適時提醒學生，維持秩序，也聲稱校方會定期檢討成效，強調重視學生意見。

• About the Author
• Latest Posts

About Newsroom

• 疑不滿海關執法趕走客人 藥房惡漢發難：海關又點大晒呀 - January 18, 2019
• 男友沉迷重口AV要求集體肛交 澳16歲女直腸受損需終身掛「屎袋」 - January 18, 2019
• 大讚女兒患流感40度高燒照比賽得獎 港媽被網民炮轟自私 - January 18, 2019
• 年半自行「注射精液」治背痛 愛爾蘭男手臂腫脹發炎 - January 18, 2019
• 湖南女生廁所遭掌摑腳踢 3施暴女獲放棄追究 - January 17, 2019
• 10學生快餐店霸枱打機 激動用普通話爆粗大聲擾客 - January 17, 2019
• 2歲B女連座椅被拋出車外 大懵父母20分鐘後先發現 - January 17, 2019
• 轟中移動推「藍底白花」利是封唔吉利 網民終發現色差累事 - January 17, 2019
• 7旬翁中1200萬後拋妻棄子 結果親熱時意外遭18歲女友焗死 - January 16, 2019
• 日老翁飲茶骾親 座駕衝上新宿行人路釀7傷 - January 16, 2019