《格雷的五十道色戒2》大加懸疑解謎

Browse By

兩年前,成本只需4000萬美元的《格雷的五十道色戒》上映大收5.5億美元票房,用刀仔鋸咗成個森林出嚟,所以二及三部曲即刻開鏡。《格雷的五十道色戒2》由人氣美劇《紙牌屋》導演James Foley執導,同第一集好唔同,SM場口大幅減少,愛情動作場面好多好多好多好多,肉搏地點亦相當多元化,加埋少少懸疑同啲啲解謎元素,成件事好脫胎換骨亦更啱囡囡睇,散場後好歡欣好滿足好沸騰。(三級上映中)

Always肉搏!肉搏場口多但唔Hea,每場都有啲新意,哎吔,Grey大隻過第一集好多

上回講到,好鍾意咬唇嘅Ana(Dakota Johnson飾)頂唔順億萬富豪Grey(Jamie Dornan飾)的特殊暴力癖好及黐線級佔有欲而分手,其實兩個人都好唔捨得,有錢有樣有Body嘅Grey行出第一步重訂合約,講明只做女方鍾意做嘅嘢,一天都光晒。

電梯玩腳!今集玩咗好多百厭調情嘢,如在擠迫嘅電梯內玩摸腳仔,由下而上,慢慢摸到敏感部位,Ana好High但唔可以叫出嚟

Ana希望了解Grey更多,亦希望挑戰Grey嘅底線去證明自己喺男友心目中嘅地位,然後發現Grey成為支配者或施虐者的原因,再然後那位導Grey玩SM的Auntie出場,成身騷味嘅Elena Lincoln(Kim Basinger飾)絕非善男信女,對於呢位有自信、同Grey有特別關係嘅女人,Ana好唔鍾意,如怨魂,整唔死又趕唔走。仲有神出鬼沒嘅Leila(Bella Heathcote飾),曾經係Grey嘅臣服者,合約完結不獲續約,好愛Grey的Leila自此要出入精神病院,佢好想跟Grey復合,又好討厭Ana受萬千寵愛,計時炸彈隨時爆。

脹卜卜的!為咗令男女主角可保持Fit爆身段,劇組訂製咗一架流動健身車,更有營養師駐場,令兩位可以喺拍攝期間保持最佳狀態

甜蜜避難!Leila對Ana生命有威脅,多咗笑容嘅Grey即帶女友去遊艇暫住

慘Leila!Grey的ex臣服者,對Grey念念不忘,不憤Grey為Ana改變所有規則,佢好葡萄,酸到要動殺機,唉

淫Auntie!Auntie拍過最經典嘅《九個半星期》,是前輩級索脫星,搵佢演淫姨姨Elena Lincoln,絕

鹹波士!Ana嘅上司Jack(Eric Johnson飾),佢對Ana有非份之想,就算明知Ana男友係勁富貴嘅Grey都依然手多多,衰

撰文︰廖思慧

Leave a Reply

Your email address will not be published. Required fields are marked *

%d bloggers like this: