【情人節】情人如若很好奇 要有買鑽飾的準備

Browse By

下星期二(2月14日)就係情人節喇!想令女友開心到眉飛色舞?送閃閃令鑽石首飾,絕對係至冧選擇!今日Jetso King介紹嘅三個珠寶首飾品牌,都有特別推出全新鑽飾系列應節,當中包括TSL│謝瑞麟嘅「心.鑰」鑽飾系列、MaBelle嘅Our Precious Moments鑽飾系列,以及MADIA嘅Iconic Bow鑽飾系列。情人節期間更提供購物優惠,真送禮者有著數,收禮者更加笑呵呵!不過,鑽飾最重要都係講求鑽石質素,至於點樣揀鑽石,依家就等Jetso King教下各位男士啦!

MaBelle新推Our Precious Moments鑽飾系列,左/18K/750白色黃金鑽石指環/$11,000、前中/18K/750白色黃金鑽石耳環/$5,200、右/18K/750白色黃金鑽石吊墜/$3,600。

 

TSL│謝瑞麟「心.鑰」鑽飾系列,左/18K白色黃金鑲鑽石吊墜/$5,890、右/18K白色黃金鑲鑽石吊墜/$2,490。

識揀,當然要識4C!

若打算送鑽飾作為情人節禮物,鑽石就係靈魂所在。好多人都話,鑽石要夠大粒、夠閃,但其實何謂大粒同閃呢?單憑肉眼判斷,未免太主觀又兒戲,不能作準。要鑑定鑽石質素好與壞,其實主要都係參照由行內專業非牟利機構GIA(Gemological Institute of America),喺二十世紀四十至五十年代研發嘅「4C國際鑽石評級系統」,就可以客觀比較同埋評估鑽石質素,佢地嘅評級標準既中立又具權威性,深受業界認同。

咁究竟4C包括啲乜?所謂4C,其實係指色澤(Color)、淨度(Clarity)、切割(Cut)同埋卡數(Carat Weight)。色澤(Color)係指鑽石顏色同透明度,等級由D至Z,D級係最高成色等級,代表完全無色,而Z就係最低等級,略呈淺黃色;淨度(Clarity)即指鑽石內含物,同埋表面特徵嘅數量、大小、位置、明顯度同本質,如果內含物同表面特徵愈少,即係淨度愈高,價值亦相對較高。好多人都識講切割(Cut),但係其實唔係咁簡單,要視乎鑽石切割刻面比例、對稱度和打磨拋光效果,因為會直接影響光線折射同閃爍度。至於最後嘅卡數(Carat Weight),應該最簡單直接,即係證書上列明的鑽石重量單位,愈大愈稀有,價錢亦愈高。

 鑽飾品牌 獎賞有情人

 TSL│謝瑞麟 賞「里」大抽獎

為左迎接浪漫節日,唔少珠寶首飾品牌都趁機推出全新鑽石首飾系列。其中TSL│謝瑞麟新推嘅「心‧鑰」鑽飾系列,一睇就知係以「鎖」同「鑰」為主打設計,用18K白色黃金配襯「心鎖」吊墜,中央雕成鑰孔,正面鑲滿鑽石。另外,「鑰匙」吊墜有圓形、菱形同方形通花選擇,線條優雅,低調奢華。 由即日至2017年2月28日(二),凡買TSL│謝瑞麟珠寶鑽飾或足金貨品,即可參加新年賞「里」大抽獎,品牌送出總共超過1,380,000「亞洲萬里通」里數,即時中獎,永不落空!查詢:2628 6228

TSL│謝瑞麟18K白色黃金鑲鑽石吊墜/左至右/$4,190、$4,190、$10,190。

 MaBelle  送Le Creuset心形小盅

至於MaBelle Our Precious Moments鑽飾系列,同樣以浪漫心形為設計概念,包括手鏈、頸鏈同戒指,用18K/750白色黃金或10K白色黃金製成。

MaBelle《Our Precious Moments》鑽飾系列18K/750白色黃金鑽石項鏈/$4,900。

由即日起至2月28日(二),凡選購MaBelle《Our Precious Moments》鑽飾系列飾品、潮流鑽飾或選購Leo Diamond淨價滿$6,000,可免費獲贈價值$398 Le Creuset心形小盅乙個。查詢: 2971 2222

MADIA Iconic Bow鑽飾系列享八折MADIA Iconic Bow鑽飾系列有頸鏈、耳環同戒指,全部都用流線型蝴蝶結為主,鑲嵌閃亮白鑽同寶石,帶點可愛少女味。現凡購買MADIA鑽石貨品淨額滿$10,000或以上,即可獲贈Citysuper禮券。另外,購買全新Iconic Bow鑽飾系列,亦享有八折優惠。查詢:2971 2266

MADIA Iconic Bow鑽飾系列,上/18K/750紅色黃金鑽石/寶石蝴蝶指環/$11,600、下/18K/750黃白色黃金鑽石/寶石蝴蝶結指環/$8,200。

About Jetso King

「頭條Jetso」App網羅「全宇宙」著數優惠及最新消費著數情報;激賞豐富禮品及獨家超筍優惠,易玩易中,送獎贏獎好EASY!

Leave a Reply

Your email address will not be published. Required fields are marked *

%d bloggers like this: