家棟最開心見小齊等獲提名 吳鎮宇話獲提名唔容易

Browse By

「第三十六屆香港電影金像獎」星期二公佈提名名單,林家棟憑電影《樹大招風》首次獲「金像獎」提名「最佳男主角」,他指很開心得到提名;至於同樣獲提名影帝的吳鎮宇則指今次提名「得來不易」。

林家棟接受我們訪問時話好開心,「好開心得到提名,因為除咗我之外,其他人都好努力,見到小齊(任賢齊)、剪接師、導演、編劇、全部都有(提名),喺度我除咗戥自己同大家開心,一定要提部電影,恭喜《樹大招風》」。

林家棟早前憑角色奪得「香港電影評論學會」「最佳男主角」

至於憑電影《脫皮爸爸》獲得影帝提名的吳鎮宇,則表示今次角色上很有難度,「今次幾難搞,演六個唔同年齡嘅人好辛苦,所以嗰陣都有諗回報率嘅問題,因為其實嘥咗大約半年時間做唔到其他嘢,咁就考慮回報,即係票房等等,但最後都放低咗回報呢個問題,因覺得呢部電影有存在價值,所以就「讓佢發生」。呢部電影最特別嘅意義係講時代變遷,我覺得用呢個阿伯(角色),每個年齡嘅一兩場戲,有佢代表同轉變係好得意,係幾好玩。最後多謝呢部電影,讓我可以「義無反悔」,厚顏無恥地演出一個29歲同19歲嘅角色,係一個我好享受嘅時間,因為如果整部電影你要我演19歲,邊度夠膽接,29歲都唔夠膽接,但呢部電影正正就係由19歲演落去,我覺得幾開心演後生嘅時候,真係覺得自己幾後生,最後多謝,得到超出理想嘅回報,就係得到提名。

吳鎮宇指拍攝相當辛苦,每日化四個個鐘妝,拍14個鐘(資料圖片)

Leave a Reply

Your email address will not be published. Required fields are marked *

%d bloggers like this: