情人節荷包大出血? $400內抵食大餐

Browse By

情人節餐唔在乎大魚大肉,只在乎享受浪漫用餐氣氛。要浪漫,環境靚嘅酒店餐廳自然係上佳之選,以為荷包會大出血?其實識得揀,人均不過$200就可以有好享受!今次Jetso King搜羅咗三間酒店嘅Fancy Tea Set,女生歎完必心花怒放!更着數係有酒店推出豪華住宿大抽獎,提早為情人節大餐訂位就有機會贏到,真係要趁早行動!

希臘健康下午茶

唔單止情人節,女生每日都要扮靚靚見另一半,所以北角海逸酒店與希臘天然護膚品牌APIVITA合作推出嘅「味遊希臘地中海」下午茶,就非常適合用嚟討女生歡心。下午茶以均衡飲食和豐富營養作創作基礎,再融入品牌地中海食療智慧,當中藍莓、紅石榴、杏桃及希臘乳酪等都係無添加天然食材,對女朋友來說自然分外吸引!

食物有十款,包括味道香醇嘅冧酒黑朱古力希臘乳酪蛋糕、橙味濃厚及營養豐富嘅香橙杏桃奶凍、橄欖露絲瑪莉雞和希臘烤肉卷等鹹、甜點美饌,製作相當用心,好似冧酒黑朱古力希臘乳酪蛋糕,賣點係層次感,最底層係鬆軟朱古力海綿蛋糕,中層以幼滑香醇嘅冧酒黑朱古力慕絲夾住希臘無糖乳酪,再以朱古力淋面,特別喜歡海綿蛋糕鬆軟綿密,乳酪嘅微酸香,令朱古力的甜味變得更柔和。香橙杏桃奶凍在幼滑奶凍加入新鮮橙汁,再加上奶凍內外佈滿杏桃及香橙果肉,整體更富口感及果香味道。鹹點Jetso King推介橄欖露絲瑪莉雞,先以迷迭香(露絲瑪莉)及調味料醃雞肉,再於外層沾滿粟米片,經高溫輕炸令外面鬆脆,雞肉軟腍入味,配橄欖食更滋味。

價錢方面,每位$178,美食以外仲無限量供應咖啡或茶,又為每位食客送上APIVITA全方位面部護理套裝一份(價值$350),認真超值!

「味遊希臘地中海」下午茶

價錢:每位$178

地址:北角海逸酒店2樓The Point大堂酒吧

查詢:2185 2018

推廣日期:即日至4月30日,下午3時至5時。

先以輕盈下午茶為情人節揭開序幕,情人定必甜入心。

APIVITA全方位面部護理套裝包括8片8毫升速效修護面膜、2支20毫升綠茶萃取潔面產品及APIVITA的$50購物禮遇。

英式傳統滋味

富豪香港酒店嘅帝廊就用傳統英式下午茶作賣點,人氣美食包括傳統英式鬆餅配凝脂忌廉及果醬、彩虹蛋糕、意式薑味奶凍布甸、鴨肝多士、鮮蝦配牛油梨番茄醬等等,更有各種經典Twinings茶(另加$68),如英國早餐紅茶及伯爵茶等供食客選擇。英式鬆餅鬆軟細緻,口感絕不死實,且香氣誘人,塗上凝脂忌廉及果醬,更覺酸香味美。精美彩虹蛋糕同樣深得Jetso King歡心,集朱古力、綠茶蛋糕及士多啤梨三款蛋糕於一身,色彩奪目,可一次過嚐到甜美、甘醇和酸香,富有心思,最啱愛甜品嘅女生!帝廊更供應選用高質素illy咖啡豆沖泡嘅大杯泡沫咖啡,香濃嘅阿拉伯Espresso搭以豐厚的奶泡,滑順甘甜。

帝廊傳統英式下午茶

收費:$238/位、$388/2兩位(飲品$58起)

地址:銅鑼灣怡和街88號富豪香港酒店地下

查詢:2890 6633

供應時間:每日下午2時至6時

傳統英式下午茶精美非常。

大杯泡沫咖啡 $78

情迷莓果自助餐

如果男生怕Tea Set食唔飽,但女友又想食精緻甜點,諾富特東薈城酒店逢周六、日及公眾假期供應嘅「周末下午茶自助餐」就係你嘅抵食之選!全新「森之果實」主題期間限定下午茶自助餐,除咗三文治、沙嗲、各類即製麵食、薄餅、雪糕和水果,仲有一系列用草莓、紅莓、藍莓和黑莓等製作甜品,推介香甜野莓法式泡芙、法式雜莓忌廉薄餅、迷你紅桑莓林明頓蛋糕等!

ESSENCE「森之果實」周末下午茶自助餐

收費︰星期六及日/每位$148、公眾假期/每位$168

地址:東涌文東路51號諾富特東薈城酒店大堂

查詢:3602 8808

供應日期︰即日至3月26日期間的逢星期六、日及公眾假期,下午2時45分至5時 。

鮮藍莓紙杯蛋糕不會太甜膩,口感香軟。

迷你紅桑莓林明頓賣相可愛討好,椰絲散發清香,紅桑莓味道酸甜有致,中間的海綿蛋糕很綿軟。

叢林櫻桃撻用香脆糖酥撻皮,盛着滿滿櫻桃果蓉,伴隨新鮮的原粒樱桃,甜度恰好。

自助餐中更有薄餅供應,不怕吃不飽!

唯港薈住宿抽獎

所有係2月14日惠顧唯港薈Hotel ICON天外天中菜廳、GREEN及The Market餐廳情人節晚餐嘅食客,只要係2月12日前訂座,就有機會贏取唯港薈套房住宿一晚連Tesla轎車服務 (可供半年內使用),記得要快快訂位了。

唯港薈Hotel ICON

地址:尖沙嘴東科學館道17號唯港薈

查詢:天外天/3400 1318、GREEN/3400 1300、The Market/3400 1388

About Jetso King

「頭條Jetso」App網羅「全宇宙」著數優惠及最新消費著數情報;激賞豐富禮品及獨家超筍優惠,易玩易中,送獎贏獎好EASY!

Leave a Reply

Your email address will not be published. Required fields are marked *

%d bloggers like this: