【唔好當我𡃁妹!】俾阿婆嫌阻街 梁小冰追足成條街鬧返轉頭

Browse By

screen-shot-2016-11-13-at-1-39-16-pm

梁小冰微博原文

46歲嘅梁小冰依然一臉童顏,更誇張嘅係竟然有阿嬸以為佢係𡃁妹恰佢?

梁小冰星期六晚喺微博一口氣寫咗三百字,分享一個令佢非常之氣憤嘅經歷。話說噚晚小冰買咗串魚蛋一路食一路等過馬路,點知有個阿嬸想衝紅燈嫌佢阻住過馬路,就用厭惡嘅眼神啤住小冰然後繞過佢過馬路。小冰好心提佢紅燈唔好過,點知阿嬸過到一半就轉綠燈。阿嬸過完就即刻擰轉面鬧小冰食嘢阻住佢行,激到小冰無名火起,即刻追住佢成條街大大聲教訓返個阿嬸。

「我當街食嘢好正常,但你衝紅燈係你唔啱,係犯法㗎!如果你比車車死,仲連累埋司機,而且條街唔係你㗎!」

阿嬸仲不停駁咀,小冰就追住嚟鬧……鬧到佢唔敢再出聲為止。小冰話自己最憎啲惡女人橫行霸道,唔好以為佢似𡃁妹就隨便恰人。小冰話就算比人認到佢,都會照樣鬧返個阿嬸,等佢以後唔敢再欺負人!

有趣嘅係小冰喺呢篇三百字嘅文入面講咗三次自己俾人當佢係𡃁妹,係三次!「阿嬸企係我後面嫌我𡃁妹掛住食魚蛋」、「佢以為我真係𡃁妺唔敢還口」、「唔好以為我似𡃁妹就隨便恰人」應該好重要先至講三次。睇嚟生得童顏都未必係好事…

siubing

46歲嘅梁小冰保養得宜,難怪俾人以為佢係「𡃁妹」

CHOW KA YEE (L) AND LEUNG SIU BING (R) IN HKTV DRAMA THE

梁小冰早年在HKTV的《導火新聞線》中飾演「皇阿媽」一角,火爆的性格與真人原來頗為相似(圖片:HKTV)

story-08-j

「皇阿媽」眼神銳利(圖片:HKTV)

Leave a Reply

Your email address will not be published. Required fields are marked *

%d bloggers like this: